الشفرة والتخلويض رجع للافيراي ديال العاصمة.. شكاية جديدة تحطات لوكيل الملك وعمدة الرباط
رجعات ظاهرة سرقة بياس غاليين لطوموبيلات من النوع الممتاز فـ”لافيراي” ديال العاصمة، بحيث كشفت شكاية جديدة تحطات لوكيل الملك لدى المحكمة الابتدائية بالرباط، تقدم بها مواطن أجنبي ضد المسؤولين على المستودع البلدي.
وحسب الشكاية فإن المواطن الاسباني، قال بلي تم حجز طومبيلتو من نوع MAZDA6، ومن بعد تقدم بطلب باش يخرجها من لافيراي وتقبل طلبو.
وأوضحت الشكاية بلي فاش باغي يخرجها لقا الطوموبيل تعرضت لخسائر مادية جسيمة وتسرقات اجزاء ممهمة منها.
ماشي هاد الفضيحة لولا لهاد لافيراي بل تسجلات سرقات كثيرة منها سرقة موطور ساوي 65 الف درهم ديال نائب عمدة الرباط.
وكانت العمدة دارت شكاية للبوليس وتفتح تحقيق فالموضوع، هادشي قبل عام تقريبا.
