البارصا بدات تحرك باش ترجع ميسي

بداو البارصا كيتحركوا من أجل إعادة النجم الأرجنتيني ليونيل ميسي إلى الفريق إبتداء من الصيف الجاي، مستغلين تشنج العلاقة ما بين اللاعب مع جماهير باريس سان جيرمان الفرنسي وقرب انتهاء العقد ديالو مع الأخير واللي غيسالي مع نهاية هذا الموسم.

وحسب جريدة “سبور” الكتالونية المقربة من فريق برشلونة، راه بدا الحديث مرة أخرى على ليونيل ميسي داخل البارصا، وبدأت إدارة النادي بالفعل في العمل على عودته في الصيف المقبل، وغتبدا الإدارة د البارصا تتفاوض مع المستشهرين ديالها باش يساعدها ماليا على إعادة اللاعب إلى صفوف الفريق، وحتى هم مرحبين بالفكرة وكلشي باغيه يرجع.

وكان ليونيل ميسي اللي عندو 35 عام، غادر البارصا قبل عامين إلى باريس سان جيرمان الفرنسي في واحدة من أكثر صفقات كرة القدم اثارة للاهتمام، واللاعب بالرغم من أنه داير بلاصتو مع تشكيلة PSG ولكن ما مرتاحش وعندو مشاكل كثيرة مع الجمهور وفي كل مرة كيتذكر الاسم ديالو كتبدا تنزل عليه صافرات الاستهجان.